Праз дарогу ад месца забойства Генадзя Шутава адкрылася новае аддзяленне міліцыі

На Партызанскім праспекце ў Берасці адкрыўся новы будынак для міліцыі. Сюды пераехала міліцыя Берасцейскага раёну, а таксама раённыя аддзелы па міграцыі.

Новы будынак міліцыі на Партызанскім праспекце ў Берасці. Фота: Белсат

Раней у гэтым будынку мясціўся «Белтэлекам», а калі ён з’ехаў – пачалася рэканструкцыя на патрэбы міліцыі, якая зацягнулася больш за год.

11 жніўня насупраць гэтага будынку вайсковец Раман Гаўрылаў застрэліў Генадзя Шутава, а сведка гэтага забойства Аляксандр Кардзюкоў атрымаў 10 гадоў калоніі ўзмоцненага рэжыму. На месцы забойства ўзнік народны мемарыял, які пазней быў знішчаны. Цяпер нічога пра яго не нагадвае.

Забітага Генадзя Шутава прызналі вінаватым у супраціве сілавікам. Сведку забойства пасадзілі на 10 гадоў

Ніякага ўрачыстага адкрыцця новага будынку міліцыі не было.

Новы будынак міліцыі на Партызанскім праспекце ў Берасці. Фота: Белсат

Раней раённая міліцыя месцілася ў гістарычным будынку ў цэнтры Берасця, на скрыжаванні вуліцы Савецкай і праспекту Машэрава. Падчас леташніх пратэстаў там быў міліцэйскі штаб, адкуль сілавікі атакавалі мірных пратэстоўцаў, а тыя хто аказаліся ўнутры будынку з жахам узгадваюць тыя моманты.

Белсат зазірнуў унутр новага будынку перад адкрыццём. На фота відаць дзяжурную частку і камеры для затрыманых.

Новы будынак міліцыі на Партызанскім праспекце ў Берасці. Фота: Белсат
Новы будынак міліцыі на Партызанскім праспекце ў Берасці. Фота: Белсат

Акрамя кратаў дзверы камераў абароненыя аргшклом таўшчынёй больш за сантыметр. У будынку ёсць спортзала, але туды трапіць не ўдалося. Таксама ёсць актавая зала.

Новы будынак міліцыі на Партызанскім праспекце ў Берасці. Фота: Белсат
Новы будынак міліцыі на Партызанскім праспекце ў Берасці. Фота: Белсат
Новы будынак міліцыі на Партызанскім праспекце ў Берасці. Фота: Белсат

«Карагодная справа» – адна з самых вялікіх палітычных справаў у Беларусі. Што трэба пра яе ведаць

belsat.eu

 

Падпісвайся на telegram Белсату

Hавiны