Цыгарэты Minsk Capital MS перавозіліся ў дошках. За стырном грузавіка быў беларус. Кантрабанду затрымалі літоўскія мытнікі і памежнікі на мяжы з Беларуссю яшчэ ў пандзелак, 12 ліпеня, паведамляе партал delfi.lt са спасылкай на Крымінальную службу Літоўскай мытні.
Партыю цыгарэтаў знайшлі ў грузавіку Scania. Кіроўца – грамадзянін Беларусі – сцвярджаў, што вязе транзітам праз Літву ў Польшчу 20,5 тон драўніны. Падчас прастуквання грузу падазрэнне ў памежнікаў выклікаў глухі гук, характэрны для запоўненых поласцяў. Дэтальная праверка паказала тайнікі ў дошках, у якіх і перавозіліся цыгарэты.
Паводле папярэдніх звестак, у грузавіку магло быць каля 560 тысяч пачак цыгарэтаў коштам прыкладна 1,94 мільёны еўра.
Кіроўцу затрымалі на двое содняў, а потым адпусцілі, але з мерамі стрымання – выняцце дакументаў, падпіска аб нявыездзе і грашовы заклад.
ГГ, belsat.eu