Алесь Бяляцкі не выйшаў на волю праз 72 гадзіны пасля затрымання. За кратамі застаюцца трое «вясноўцаў»
17 ліпеня скончыліся трое содняў, на якія праваабаронцу арыштавалі 14 ліпеня ў рамках крымінальнай справы. Але з Акрэсціна Бяляцкага так і не адпусцілі, паведамляе праваабарончы цэнтр «Вясна».
Алесь Бяляцкі – кіраўнік і заснавальнік праваабарончага цэнтру «Вясна», былы віцэ-прэзыдэнт Міжнароднай фэдэрацыі правоў чалавека.
За 25 год сваёй дзейнасці Алесь Бяляцкі быў адзначаны шматлікімі прэміямі і ўзнагародамі: у 2006 годзе – шведскай прэміяй імя Пера Ангера, прэміяй Свабоды імя Андрэя Сахарава, прэміяй Homo Homіnі, якую ўручаю Вацлаў Гавел, у 2011 годзе – дыпломам «За мужнасць і барацьбу за свабоду», прэміяй «Лепшы праваабронца года», прэміяй Нарвежскага саюза пісьменнікаў «За свабоду слова», у 2012 годзе – прэміяй Дзярждэпартамента ЗША, прэмія Леха Валенсы, прэміяй імя Петры Кэлі ў знак прызнання дзейнасці ў адстойванні правоў чалавека ў Беларусі, у 2013 годзе – прэміяй Вацлава Гавела ад ПАСЕ, у 2019 годзе – прэміяй «За правы чалавека і вяршэнства закона», а ў 2020 годзе – прэміяй «За годны лад жыцця» і сумесна з іншымі прэміяй імя Сахарава. Пяць разоў вылучаўся на Нобелеўскую прэмію свету. Алесь з’яўляецца аўтарам некалькіх кніг.
Раней Бяляцкі ужо быў палітычным зняволеным. 4 жніўня 2011 году арыштаваны пасьля таго, як Літва і Польшча перадалі ўладам Беларусі зьвесткі пра банкаўскія рахункі на сваёй тэрыторыі. Бяляцкага абвінавацілі ва ўтойваньні прыбыткаў у асабліва буйным памеры. 24 лістапада 2011 году асуджаны Першамайскім раённым судом Менску на 4,5 года калёніі ўзмоцненага рэжыму з канфіскацыяй маёмасьці. Сваёй віны не прызнаў, заявіўшы, што ўсе грошы з рахункаў ішлі на праваабарончую дзейнасьць. Краіны Эўразьвязу, ЗША і міжнародныя праваабарончыя арганізацыі прызналі палітвязьнем, а прысуд – палітычна матываваным. Адбываў пакараньне ў жодзінскай турме і бабруйскай калёніі. Вызвалены праз амністыю.
Трое «вясноўцаў» застаюцца за кратамі — Алесь Бяляцкі, Валянцін Стэфановіч і Уладзь Лабковіч. Таксама ў зняволенні жонка Уладзя Ніна Лабковіч.
