Праз рост нелегальнай міграцыі МУС Літвы пачало абмяркоўваць пытанне ўзвядзення агароджы на мяжы з Беларуссю. Пра гэта заявіла міністр унутраных справаў краіны Агне Білатайце, піша «Delfi».
Улады Літвы мяркуюць пабудаваць на мяжы з Беларуссю агароджу. Прычынаю такой захады ёсць рост незаконнай міграцыі.
«Мы абмяркоўваем гэтае пытанне, ладзім даследаванне магчымасці ўсталяваць агароджу. І каштаваць гэта будзе, магчыма, 15 мільёнаў еўраў», – заявіла міністр унутраных справаў Літвы Агне Білатайце.
Паводле літоўскіх памежнікаў, сёлета беларуска-літоўскую мяжу нелегальна мінулі амаль 400 мігрантаў, у асноўным гэта грамадзяне Іраку. Гэта ў 5 разоў болей, чым за ўвесь 2020 год.
СК belsat.eu