Затрыманаму пасля вобшуку ў кнігарні дырэктару выдавецтва «Янушкевіч» Андрэю Янушкевічу прызначылі 10 содняў арышту, паведамляе «Наша Ніва».
Дырэктар выдавецтва «Янушкевіч» быў затрыманы ўчора, 16 красавіка, пасля ператрусу ў новай кнігарні «Кнігаўка». Разам з Андрэям Янушкевічам затрымалі таксама супрацоўніцу кнігарні Насту Карнацкую, у чым яе вінавацяць, пакуль не вядома.
16 траўня адбылося адкрыццё кнігарні «Кнігаўка» выдаўцом Андрэем Янушкевічам. Спачатку на адкрыццё прыйшлі прапагандысты Азаронак і Гладкая, а пасля абеду ў памяшканні сілавікі ўчынілі ў кнігарні ператрус.
Пасля ператрусу знікла сувязь з дырэктарам Андрэем Янушкевічам і працаўніцай кнігарні Настай Карнацкай.
Раніцай 17 траўня стала вядома, што Андрэй ноч правёў у Першамайскім РУУС.
Алена Рувіна belsat.eu