У тэлефоннай размове 17 траўня прэзідэнт Францыі Эманюэль Макрон пацвердзіў украінскаму прэзідэнту Уладзіміру Зяленскаму, што заява Украіны аб уступленні ў Еўрапейскі звяз будзе разгледжана на чэрвеньскім Еўрапейскім савеце.
Падчас размовы Макрон пацікавіўся сітуацыяй ва Украіне, асабліва ў Марыупалі, і аб працягу эвакуацыі з заводу «Азоўсталь». Прэзідэнт Францыі пацвердзіў рашучасць адказаць на ўсе просьбы Украіны аб падтрымцы, у тым ліку пра абароннае абсталяванне, паліва, гуманітарную дапамогу, эканамічную і фінансавую падтрымку, а таксама паабяцаў змагацца з беспакаранасцю.
Эманюэль Макрон пацвердзіў, што пастаўкі зброі Францыяй будуць працягвацца і ўзмацняцца ў найбліжэйшыя дні і тыдні, а таксама пастаўкі гуманітарнага абсталявання.
У мінулыя выходныя ад Францыі ва Украіну было дастаўлена 13 дадатковых ратавальных машын. Усяго гуманітарная дапамога ад Францыі з пачатку вайны склала больш за 800 тон.
Таксама прэзідэнты абмеркавалі гарантыі бяспекі, якія Францыя можа даць Украіне ў рамках міжнароднага пагаднення, каб забяспечыць выкананне суверэнітэту і тэрытарыяльнай цэласнасці краіны.
Алена Рувіна belsat.eu