Следчы камітэт Беларусі паведамляе, што ў Менску выявілі павешаным жаўнера Эміля Чэчку, які ўцёк з Польшчы.
Следчыя пачалі высвятляць акалічнасці смерці Эміля Чэчкі, уцеклага польскага вайскоўца. Паведамляюць, што яго знайшлі павешаным у месцы пражывання ў Менску.
«Следчы камітэт разглядае ўсе магчымыя версіі здарэння, у тым ліку гвалтоўны характар смерці», – паведамляе СК.
Для ўстанаўлення прычыны смерці прызначылі судова-медычную экспертызу.
Эміль Чэчка праходзіў вайсковую службу ў Польшчы і знік без вестак падчас выканання сваіх абавязкаў у раёне паселішчаў Нараўка, Семяноўка і Семяноўскага возера. Пачаўся пошук вайскоўца, а пазней высветлілася, што ён перайшоў мяжу і ўцёк у Беларусь.
Паводле інфармацыі беларускага боку, жаўнер уцёк у Беларусь 16 снежня. Ён папрасіў палітычнага прытулку. Некаторы час быў госцем прапагандысцкіх эфіраў на беларускім тэлебачанні.
КЕ belsat.eu