Цягам 16 лістапада па краіне чакаецца воблачнае з праясненнямі надворʼе. Пераважна без ападкаў, але на асобных участках дарог утворыцца галалёдзіца.
Ноччу і раніцай месцамі магчымы слабы туман. Вецер усходні слабы.
Паводле прагнозу Белгідраметцэнтра, тэмпература паветра ноччу будзе вагацца ад -5 да 0 ° С, па ўсходзе краіны да -10 ° С, днём слупкі тэрмометраў будуць варʼіравацца ў межах -2…+ 5 ° С.
У Менску тэмпература паветра на працягу содняў не перавысіць +2° С.
Дзеля Вашай бяспекі ратавальнікі Міністэрства па надзвычайных сітуацыях рэкамендуюць не насіць на вуліцы абутак на абцасах, перасоўвацца, не спяшаючыся, наступаючы на ўсю падэшву. Пры гэтым ногі павінны быць злёгку расслабленыя, рукі вольныя.
Пажылым людзям рэкамендуецца выкарыстоўваць кій з гумовым наканечнікам ці адмысловую завостраную палку. Калі Вы паслізнуліся, прысядзьце, каб знізіць вышыню падзення. У момант падзення паспрабуйце згрупавацца і перакаціцца, каб змякчыць удар аб зямлю.
Пры атрыманні траўмы неадкладна звярніцеся ў траўматалагічны пункт або выклікайце хуткую дапамогу.
КА, belsat.eu