Ператрус у заснавальніка «Кінашколы», «перазатрыманне» Белавуса… Рэпрэсіі за 16 снежня


У Беларусі штодзень затрымліваюць, судзяць, садзяць і ладзяць ператрусы з палітычных прычынаў. «Белсат» пераказвае, што адбываецца з рэпрэсіямі за адзін толькі дзень 16 снежня.

Фота мае ілюстрацыйны характар. За сустрэчай вернікаў царквы «Новае жыццё» назірае міліцыя. 21 лютага 2021 года.
Фота: АК / Белсат

Таццяну Батуру трэці раз асудзілі на 15 дзён арышту. Жанчыну затрымалі 15 лістапада перад судом над палітычнай зняволенай Вольгай Залатар. Паводле звестак назіральнікаў «Вясны», яна ў карцары трымала галадоўку цягам пяці дзён. Батуру ў трэці раз не азнаёмілі з матэрыяламі справы. Паводле пратаколу, яе з Акрэсціна выклікалі на гутарку ў РУУС, а там яна «пачала паводзіць сябе агрэсіўна і задзірліва, гучна крычаць, на заўвагі не рэагавала». Яна не прызнала сваю віну, але суддзя Юлія Блізнюк прызнала яе вінаватай у «дробным хуліганстве».

Артыкулы
Пракуратура пачала крымінальную справу за скандаванне «Ганьба!» пасля прысуду Вітольду Ашурку
2021.12.16 09:16

У заснавальніка «Кінашколы» Андрэя Палупанава праводзяць ператрус. Пра гэта Беларускай радзе культуры паведамілі ягоныя суседзі. Падрабязнасці невядомыя. Прыватную кінашколу з ініцыятывы Палупанава адкрылі ў 2009 годзе, пра поспехі кінашколы расказвалі ў тым ліку дзяржаўныя медыі. Пад «зачыстку» НДА яна не трапіла.

Hавiны
За падпіскі на «экстрэмісцкія» тэлеграм-каналы затрымалі мастачку з кампаніі «Vizor Games»
2021.12.16 09:47

У Мастах на працы затрымалі выкладчыцу сальфеджыа. Галіну Цярэнцеву забралі з працы ў Дзіцячай школе мастацтваў «за фота ў фэйсбуку», піша «Вясна». Падрабязнасці невядомыя.

Hавiны
Фрылансер радыё «Свабода» Андрэй Кузнечык не выйшаў на волю пасля 20 дзён арышту
2021.12.16 10:19

Палітвязня Дзмітрыя Абрамука змясцілі ў ШІЗА. Як стала вядома праваабаронцам «Вясны», на Дзмітрыя склалі адразу чатыры рапарты за тое, што ён адмовіўся ад прыбірання туалету, на ПГД быў з тэлефонам, за тумбачкай адміністрацыя нібыта знайшла волас пасля прыбірання і палічыла, быццам ён не прыбіраў зусім і за тое, што лаяўся матам. Сам Абрамук мяркуе, што правядзе ў ШІЗА мінімум 40 дзён.

Артыкулы
Супраць блогера Павука распачалі крымінальную справу за «абразу прадстаўніка ўлады»
2021.12.16 15:45

Палітвязень Ігар Банцэр не выйшаў з карцару за дзень да выхаду на волю. «Вясна» піша, што рок-музыку Ігара Банцэра з 25 лістапада ўтрымліваюць у карцары за розныя “парушэнні”. Учора ён павінен быў выйсці, але яго зноў пакаралі двума суткамі ў карцары. А ўжо заўтра ён мае выйсці на волю – сканчаецца тэрмін пакарання.

Hавiны
КДБ назвала «экстрэмісцкім фармаваннем» платформу «Сход»
2021.12.16 16:19

Заснавальнік Symbal.by не выйшаў на волю пасля другіх «содняў». Паводле Symbal.by, Павел Белавус быў «перазатрыманы», заўтра мусіць адбыцца чарговы суд.

Hавiны
Актывістаў запрасілі вярнуцца ў Беларусь пад гарантыі ананіма
2021.12.16 16:02

АА belsat.eu

Стужка навінаў