СК распачаў крымінальную справу за пашкоджанне памежнага знаку на мяжы з Украінай

Як сцвярджаюць, інцыдэнт адбыўся 11 верасня на ўчастку Пінскага памежнага атраду.

Раней Дзяржаўны памежны камітэт паведаміў, што пры аглядзе памежнага знаку працаўнікі заставы «Сварынь» выявілі пашкоджанні слупа і шыльды з выявай афіцыйнага гербу Беларусі. Памежнікі мяркуюць, што па слупе і шыльдзе стралялі з паляўнічай зброі, прычым з украінскага боку.

Пашкоджаны памежны знак на беларуска-ўкраінскай мяжы.

Фота: gpk.gov.by

Сёння, 16 верасня, Следчы камітэт паведаміў, што па факце пашкоджання памежнага знаку распачалі крымінальную справу паводле артыкулу 370 («Здзек з дзяржаўных сімвалаў») Крымінальнага кодэксу.

ІІ belsat.eu