Украінскія ўлады заяўляюць, што выдаванне крэдытаў кампаніям, якія пастаўляюць расейскую нафту, прыводзіць да зацягвання вайны супраць Украіны, паведамляе УНІАН.
Лісты з патрабаваннем спыніць супрацу з агрэсарам атрымалі як мінімум чатыры банкі: «JPMorgan», HSBC, «Citigroup» і «Crédit Agricole».
Міністэрства юстыцыі збіраецца падаць супраць банкаў пазоў у Міжнародны крымінальны суд пасля заканчэння вайны. Спецыяльныя службы Украіны цяпер збіраюць інфармацыю аб фінансавых установах, якія падтрымліваюць гандаль расейскім палівам.
Марыя Мурашка belsat.eu