«Акупант». Ва Украіне прэзентавалі фільм, зроблены з відэа ўзятага ў палон расейскага афіцэра
Ва Украіне быў прэзентаваны незвычайны дакументальны фільм. Выданне «Українська правда» стварыла фільм «Акупант». Стужка была зробленая з відэаролікаў, знойдзеных на тэлефоне палоннага расейскага вайскоўца.
Фільм апавядае пра кароткі фрагмент жыцця расейскага лейтэнанта Юрыя Шалаева, выпускніка Маскоўскага вышэйшага каманднага вучылішча. Ён да нядаўняга часу быў камандзірам мотастралковага ўзводу, які меў дыслакацыю ў Чачэніі.
Стужка апавядае, як Шалаеў жыў і служыў у Расеі да пачатку вайны, а таксама паказвае, што змянілася, калі яго ў складзе ўласнага ўзводу выправілі ваяваць. Герой пройдзе шлях ад курсанта да баявога афіцэра. Фільм дае шэраг адметных бытавых замалёвак расейскіх вайскоўцаў, а таксама ўтрымлівае кадры вайсковых дзеяў.
Гісторыя сканчаецца палонам. Стваральнікі фільму лічаць, што «Акупант» – гэта дапаможнік для ўсіх, хто захоча пайсці шляхам курсанта Шалаева і паўдзельнічаць ва ўварванні ва Украіну.
ЗХ belsat.eu
