«Масквічы» плануюць збіраць на базе маскоўскага заводу «Renault», паведамляе РБК.
Паводле плану мэра Масквы Сяргея Сабяніна, на нацыялізаваным заводзе замежнай кампаніі маюць рабіць аўтамабілі, якія ў перспектыве могуць зрабіцца электрычнымі:
«Замежны ўласнік пастанавіў закрыць маскоўскі завод «Renault». Гэта ягонае права, але мы не можам дапусціць, каб шматтысячны працоўны калектыў застаўся без працы. Таму я прыняў рашэнне забраць завод на баланс гораду і аднавіць вытворчасць легкавых аўтамабіляў пад гістарычным брэндам «Масквіч».
Сэрвіснае абслугоўванне аўтамабіляў «Renault» на расейскім рынку будзе ажыццяўляць АўтаВАЗ.
МГМ, belsat.eu