Паслявыбарчыя пратэсты ў Беларусі працягваюцца 251 дзён. «Белсат» падводзіць вынікі гэтага дня.
Спевака судзілі паводле ч. 1 арт. 328 КК («Незаконныя без мэты збыту выраб, перапрацоўванне, набыццё, захоўванне, транспартаванне або перасыланне наркотыкаў»). Ціму пакаралі абмежаваннем волі на 2 гады без накіравання ў папраўчую ўстанову.
Ціма Беларускіх прызнаў віну, ягоны 25-гадовы сябар Антон Крывецкі таксама. Спевака вінавацяць толькі ў набыцці амфетаміну (падчас асабістага агляду, акрамя 0,4 грама гашышу, у яго знайшлі 0,0375 грама амфетаміну). Крывецкага – у набыцці 1,9 грама гашышу, якія ён захоўваў у гульнявым клубе.
У з’ездзе ўзялі ўдзел каля 60 дэлегатаў, а таксама госці. Былі заслуханыя справаздачы пра дзейнасць арганізацыі за апошнія тры гады, будуць абраныя кіраўнічыя органы БАЖ, паведамляе прэс-служба арганізацыі.
Так, старшынёю Беларускай асацыяцыі журналістаў трэці раз стаў Андрэй Бастунец.
Намеснікамі старшыні БАЖ сталі Ірына Слаўнікава, Барыс Гарэцкі, Алег Агееў, Аляксандр Старыкевіч.
Дэлегаты згадалі імёны журналістаў, якія цяпер у няволі, а таксама тых, хто пайшоў з жыцця апошнімі гадамі.
Цяпер ён можа выходзіць на вуліцу, хадзіць на працу і свабодна перасоўвацца па краіне.
Ілля па-ранейшаму застаецца ў статусе абвінавачванага паводле артыкулу 361 Крымінальнага кодэксу і абавязаны з’яўляцца на выклік следчых органаў і суда.
Доўгія месяцы, з 9 верасня, юрыст штабу заставаўся ў сваёй кватэры без права на стасункі і шпацыры. Бачыцца Ілля мог толькі са сваім адвакатам, які прыносіў яму харчы і выносіў смецце.
Праваабаронца Уладзімір Яворскі, муж Таццяны Гуцуры-Яворскай, распавёў падрабязнасці пра другі ператрус у кватэры сям’і і тое, як яго пастанавілі дэпартаваць з краіны без афіцыйных пастановаў.
«12 красавіка ў нашай кватэры ў Менску прайшоў другі, паўторны ператрус. Пасля 3 гадзінаў, калі ўвесь пакой перабралі па частках, мне сказалі, што я павінен праехаць з імі. Сканфіскавалі старыя дакументы, тэлефоны, якія адпрацавалі сваё, і да таго падобнае. Яны шукалі тое, чаго насамрэч у нас не было, таму знайсці гэта было немагчыма», – напісаў Уладзімір на сваёй старонцы ў Facebook.
Нагадаем, што ўчора ўвечары Таццяну Гацуру-Яворскую адпусцілі з СІЗА без выстаўлення абвінавачання, але яна па-ранейшаму застаецца ў статусе падазраванай.
На наступным тыдні, 20 красавіка, Святлана Ціханоўская ўзначаліць дэлегацыю Беларусі на парламенцкай асамблеі «Еўранэст», якая сёлета пройдзе ў віртуальным фармаце.
Удзел у асамблеі возьмуць 60 дэпутатаў Еўрапарламенту і па 10 дэпутатаў ад парламентаў Усходняй Еўропы (Арменія, Азербайджан, Грузія, Малдова і Украіна), а таксама дэлегацыя беларускіх дэмакратычных сілаў пад старшынствам Ціханоўскай.
Перад Днём Волі, 24 сакавіка, каля 7.40 раніцы ў інтэрнаце БДУ №2, што на Кастрычніцкай вуліцы, затрымалі 20-гадовага студэнта Арцёма Баярскага. У студэнцкіх чатах абмяркоўваліся абставіны затрымання хлопца: «Суседзяў – на падлогу і ў кайданкі, але забралі толькі Арцёма». Суд над Арцёмам прайшоў у Доме Правасуддзя, дзе яго пакаралі 25-соднявым арыштам.
Студэнта павінны былі вызваліць 18 красавіка, але сёння стала вядома, што Арцём затрыманы ў межах крымінальнай справы па ч.1 арт. 361 КК («Стварэнне экстрэмісцкага фарміравання»). Цяпер яго ўтрымліваюць у ІЧУ.
АД, belsat.eu