КДК рыхтуе анансаваны Лукашэнкам наступ на бізнес. З'явіліся прапановы зменаў у падаткаабкладанне ІП

Не паспеў Аляксандр Лукашэнка паабяцаць «выразаць бізнес гарачым жалезам», як гэта пачало ажыццяўляцца. У Telegram-канале «МотолькоПомоги» зʼявіўся дакумент з прапановамі Камітэту дзяржкантролю для «ўдасканальвання сістэмы падаткаабкладання».

• КДК прапаноўвае скасаваць адзіны падатак і замяніць яго спрошчанай сістэмай падаткаабкладання.
• Для ІП, якія надаюць юрыдычныя, маркетынгавыя, кансультацыйныя, аўдытарскія, бухгалтарскія, інфармацыйныя ды іншыя паслугі, прапаноўваюць павялічыць стаўку да памеру падатку на прыбытак.
• Прапаноўваюць 13-адсоткавую плату за зняцце гатоўкі звыш пэўнага памеру са свайго рахунку (прапаноўваюць 3000 рублёў).
• Лічаць неабходным павялічыць памер адлічэнняў ІП у Фонд сацыяльнай абароны насельніцтва на асобныя віды дзейнасці.
• Крымінальную адказнасць за падатковыя злачынствы плануюць зрабіць больш жорсткай.

ЯП belsat.eu