Выкладчыцу Ксенію Мартуль пакаралі 15 соднямі арышту. Пра гэта паведамляе «Медиазона» са спасылкай на ейнага мужа.
Выкладчыцу журфаку БДУ Ксенію Мартуль затрымалі 14 снежня проста на занятках у прысутнасці студэнтаў.
Пазней у Telegram-канале ГУБАЗіКу зʼявілася відэа з Ксеніяй, дзе яна распавядае, што ўдзельнічала ў пратэстах у жніўні і верасні 2020 года, была падпісаная на «экстрэмісцкія» рэсурсы да таго, як іх абвесцілі «экстрэмісцкімі», а затрыманая была за тое, што ў прыватнай перапісцы перасылала спасылкі на такія Telegram-каналы.
Ксенія Мартуль адміністравала Telegram-канал «Гендерный пробел», гэты рэсурс асвятляў сацыяльныя стэрэатыпы. Пасля затрымання выкладчыцы сілавікі захапілі кантроль над каналам, выдалілі публікацыі і зрабілі аватаркай дзяржаўны герб.
Нагадаем, слова «экстрэмізм» прадстаўнікі рэжыму Лукашэнкі цяпер выкарыстоўваюць для абазначэння любой праявы пратэставых настрояў і іншадумства.
РР belsat.eu