Беларускія ўлады выкарыстоўваюць новую тактыку і з раніцы 15 лістапада перавялі мігрантаў з іх намётавага лагера каля польскай мяжы, у якім яны жылі тыдзень, наўпрост на беларускі прапускны пункт «Брузгі».
Польскія памежнікі налічылі 3,5 тысячы мігрантаў на мяжы з Беларуссю.
З кожнай гадзінай мігрантаў на мяжы станавілася ўсё болей і болей. Каля 16 гадзін яны пачалі ставіць намёты, рассцілаць спальнікі і ўтварылі новы намётавы лагер.
З польскага боку мяжы сабраліся паліцыянты і вайскоўцы, пад’ехалі вадамёты. Мяжу патрулюе верталёт.
Выданне «The Village Беларусь» зрабіла тайм-лайн таго, як мігранты прыбываюць на прапускны пункт:
Польская паліцыя паведамляе, што беларускія памежнікі сочаць за тым, каб людзі, адціснутыя імі на памежны пераход, не маглі адступіць назад . Такая магчымасць не надаецца нават тым, хто хоча вярнуцца ў Менск і паляцець у сваю краіну.
Бліжэй да вечара мігранты пачалі паліць кастры, наваколле зацягнутае дымам ад вогнішчаў. Відаць, яны плануюць заставацца на памежным пункце на ноч. Тэмпература ўначы тут апусціцца да нуля.
АД, belsat.eu