Спецслужбы Літвы паведамляюць, што больш за 10 асобаў, якія нелегальна патрапілі ў Літву, звязаны з той ці іншай тэрарыстычнай арганізацыяй або групоўкай. Некалькі асобаў ужо дэпартавалі з краіны, піша «Delfi».
Літоўскія ведамствы паведамляюць, што перасцярогі пра наяўнасць тэрарыстаў сярод мігрантаў, якія нелегальна перакрочваюць беларуска-літоўскую мяжу, спраўдзіліся.
Старшыня парламенцкага Камітэту па нацыянальнай бяспецы і абароне Літвы Лаўрынас Кашчунас паведаміў, што «выявілі 10 асобаў, якія трапілі ў Літву нелегальна, звязаны з той ці іншай тэрарыстычнай арганізацыяй або групоўкай». Паводле яго словаў, 4 такія асобы ўжо дэпартавалі з Літвы.
«Яшчэ каля 10 знаходзяцца пад наглядам, рашэнне аб іх дэпартацыі пакуль не прынята», – сказаў Лаўрынак Кашчунас.
Паводле «Delfi», у жніўні з Літвы дэпартавалі грамадзяніна Камеруна, якога падазравалі ў сувязях з групоўкай «Boko Haram». Дэпартавалі і грамадзянін Іраку за сувязі з рабочай партыяй Курдыстана. Ёсць звесткі і пра сувязі некаторых мігрантаў з Ісламскім дзяржавай, некаторыя мігранты з Чачэніі могуць быць звязаныя з каўказскімі групоўкамі.
СК belsat.eu
