На скрыжаванні вуліцы Пулаўскай (Puławska) і алеі Легіёнаў Пілсудскага (Legionów Piłsudskiego) на Паўднёвай кальцавой Варшавы (Południowa Obwodnica Warszawy) афіцыйна з’явілася кругавая развязка Вольнай Беларусі (Rondo Wolnej Białorusi).
Ініцыятары гэтага тапанімічнага рашэння – «Цэнтр Беларускай Салідарнасці», ініцыятыва «Вольная Беларусь» і рух «Polska 2050».
У імпрэзе з нагоды надання назвы паўдзельнічалі Валер Кавалеўскі – прадстаўнік офісу Святланы Ціханоўскай, Ганна Гіл-Пёнтек – старшыня польскай парламенцкай групы «Polska 2050», Міхал Кабоска – старшыня партыі «Polska 2050», Павел Ленарчык – прадстаўнік мясцовага самакіравання раёну Урсынаў і руху «Polska 2050», а таксама прадстаўнікі «Цэнтру беларускай салідарнасці» і ініцыятывы «Вольная Беларусь».
Фінальнай кропкай урачыстасці стаў выступ Вольнага хору.
Назва развязкі ўжо з’явілася на онлайн-мапах. Напрыклад, на Google Maps развязка Вольнай Беларусі выглядае так:
ЮШ belsat.eu