Грамадскае аб’яднанне «Гендарныя перспектывы» прыпыняе на нявызначаны тэрмін працу агульнанацыянальнай гарачай лініі для пацярпелых ад хатняга гвалту. Пра гэта актывісты арганізацыі напісалі ў сваім Facebook.
14 ліпеня падчас аблавы на грамадскія арганізацыі сілавікі прыйшлі з ператрусам і ў офіс «Гендарных перспектываў». Грамадская арганізацыя займаецца праблемамі хатняга гвалту, дыскрымінацыі на рынку працы, гендарнай роўнасці.
Святлана Ціханоўская пракаментавала ператрусы ў офісах НДА, адзначыўшы, што грамадскія арганізацыі займаюцца працай, якую мусіць выконваць дзяржава. Але замест падзякі улады руйнуюць грамадзянскую супольнасць і помсцяць ёй.
СК belsat.eu