Арына Каршунова і Аляксандр Руткевіч былі затрыманыя 14 ліпеня працаўнікамі КДБ. Якія прэтэнзіі да ў іх у спецслужбаў – невядома.
Паводле spring96.org, учора разам з Руткевічам і Каршуновай былі затрыманыя Алесь Міноў і Яўгенія Субат (дачка Ганны Севярынец).
Ноччу стала вядома, што Аляксандра Руткевіча і Арыну Каршунову адпусцілі з КДБ, Алеся Мінова – не.
Арына Каршунова паведаміла ў сацсетках, што не можа нічога распавесці пра абставіны свайго затрымання. Імаверна, яна знаходзіцца пад падпіскай аб неразгалошванні.
«Нічога не распавяду, не маю права. Усіх люблю, цалую і моцна абдымаю. Выйшлі яшчэ не ўсё», – напісала яна.
Арына Каршунов – былая студэнтка БДУ, дачка экс-кіраўніка Інстытута сацыялогіі НАН, сацыёлага Генадзя Каршунова. Восенню 2020 года яна сама напісала заяву на адлічэнне з 4-га курса філасофскага факультэту БДУ на знак салідарнасці з усімі студэнтамі і выкладчыкамі, што трапілі пад рэпрэсіі.
ІІ belsat.eu