Расея трэнуе ў памежных вобласцях з Украінай некалькі тысячаў рэзервістаў, якіх плануюць кінуць на фронт, паведаміў прэс-сакратар Генштабу Збройных сіл Украіны Аляксандр Штупун.
«Камандаванне Збройных сіл Расейскай Федэрацыі спрабуе камплектаваць і папаўняць страты сваіх войск за кошт рэзервістаў», – сказаў Аляксандр Штупун.
Ён адзначыў, што падрыхтоўка рэзервістаў вядзецца ў памежных з Украінай вобласцях.
«На палігонах у Варонежскай, Белгародскай і Растоўскай вобласцяў праходзяць падрыхтоўку каля дзвюх з паловай тысяч рэзервістаў. Іх плануецца накіраваць на тэрыторыю Украіны для ўдзелу ў вайне», – паведаміў прэс-сакратар Генштабу ЗСУ.
Поўнамаштабная вайна ва Украіне працягваецца 81-ы дзень. Паводле аператыўных звестак Генштабу ЗСУ, расейскія войскі не спыняюць наступленне ва Усходняй аператыўнай зоне з мэтай усталявання поўнага кантролю над тэрыторыяй Данецкай, Луганскай, Херсонскай вобласцяў і захавання сухапутнага калідору з часова акупаваным Крымам, але расейцы нясуць значныя страты ў жывой сіле і тэхніцы.
ЗК belsat.eu
