Аляксандр Лукашэнка сабраў на нараду кіраўнікоў органаў дзяржбяспекі. Паводле словаў Лукашэнкі, ён сабраў сілавікоў на «сур’ёзную, мужчынскую размову».
Паводле Лукашэнкі, сітуацыя вакол Беларусі, вяршыня айсбергу. Ён заявіў, што гібрыдная вайна супраць яго працягваецца, а таксама абвінаваціў Польшчу, Літву, Украіну, ЗША і Нямеччыну ў падрыхтоўцы і фінансаванні тэрактаў.
«Гэта толькі вяршыня айсбергу. Менавіта вы ведаеце глыбіню і выварат усіх сродкаў і метадаў уздзеяння, накіраваных на нас. Такіх як інспіраванне дзяржаўнага перавароту, арганізацыя тэрарыстычных актаў, акцыяў запалохвання насельніцтва, правядзенне агрэсіўнай інфармацыйнай вайны, спробы разбурыць эканоміку».
Закрануў Лукашэнкі і кібератакі супраць дзяржаўных прадпрыемстваў і органаў. На ягоную думку, гэта падобна да біялагічнай зброі, і яшчэ нават больш магутней.
Асобным момантам Лукашэнка вылучыў экстрэмізм і тэрарызм, якім нібыта напоўненая цяпер краіна.
«Распрацаваны экстрэмісцкай арганізацыяй так званы план «Перамога» прадугледжваў арганізацыю серыі тэрактаў на тэрыторыі краіны, што стала б падставай для сацыяльнага выбуху. Сёй-той за мяжой не хаваў, што такім магла б паслужыць правакацыя з гібеллю людзей, гэта для іх увогуле быў бы падарунак, святароў ці іншай «сакральнай ахвяры». Ад гэтых ідэяў яны не адмаўляюцца і сёння».
Перакананы Лукашэнка, што санкцыі не стануць праблемай для краіны.
«Санкцыі ўзбудзяць народ, узрушаць, і яны потым сядуць на гэтага каня – мушу сказаць, што нічога з гэтага не атрымаецца. Вы гэта разумееце. Хутка зразумеюць і простыя грамадзяне […] Мы не вырабляем тую прадукцыю, якую немагчыма прадаць на рынках, дапусцім, Расеі і Кітаю».
«Нарэшце ў кіраўніцтва Расеі, ды і ва ўсіх расейцаў, сфармавалася цвёрдае разуменне, што мы павінныя быць разам, што Беларусь гэтак жа патрэбная Расеі, як патрэбная нам велізарная Расея».
АУ belsat.eu