Сёння каля 07.00 на 465-м кіламетры трасы M-1/Е-30 Берасце – Менск – мяжа Расеі сутыкнуліся мікрааўтобус і грузавік. Кіроўцы загінулі, паведамляе МУС.
ДТЗ адбылося недалёка ад Крупак. Паводле папярэдняй інфармацыі, 27-гадовы віцяблянін рухаўся на мікрааўтобусе «Mercedes Sprinter» у бок Менску, заснуў за стырном і выехаў на сустрэчную паласу, дзе сутыкнуўся з грузавіком «Mercedes» Atego, якім кіраваў 44-гадовы жыхар Старых Дарог.
Аўтамабілі загарэліся, а іх кіроўцы загінулі. Цяпер на месцы здарэння працуюць адмыслоўцы ДАІ, МНС, следчыя і эксперты.
ДАІ рэкамендуе не садзіцца за стырно ў стомленым стане і карыстацца пляцоўкамі для адпачынку, калі хочацца спаць.
ЯП belsat.eu