Вынікі пошуку для:

Уладзімір Мацкевіч перайшоў да сухой галадоўкі

Беларускі філосаф, метадолаг, грамадскі дзеяч і вядоўца «Белсату» Уладзімір Мацкевіч з 15 лютага пераходзіць да сухой галадоўкі, паведамляе старонка ў «Фэйсбуку», прысвечаная Уладзіміру.

Да 15 лютага філосаф трымаў галадоўку ўжо 11 дзён, аднак не адмаўляўся ад вады. Галадаваць ён мае намер да выканання ягоных патрабаванняў: змяніць меру стрымання, спыніць імітацыю следчых дзеянняў і перадаць справу ў суд. Патрабаванні дагэтуль не выкананыя, таму Мацкевіч перайшоў да больш радыкальнай формы галадоўкі.

«Калі ў турме галадае філосаф, гэта нейкі край». Што ў сацсетках пішуць пра Уладзіміра Мацкевіча

На старонцы, прысвечанай Уладзіміру Мацкевічу, ёсць заклік падпісаць петыцыю, якая паўтарае патрабаванні філосафа. На 12:15 15 лютага петыцыю падпісалі 5080 чалавек.

Уладзіміра Мацкевіча затрымалі 4 жніўня 2021 года. Яго абвінавацілі ў арганізацыі дзеянняў, якія груба парушаюць грамадскі парадак (арт. 342 КК РБ). 4 лютага Мацкевіч абвесціў галадоўку і заявіў, што калі цягам 10 дзён ягоныя патрабаванні не будуць выкананыя, ён пяройдзе да сухога галадавання. Уладзімір Мацкевіч утрымліваецца ў СІЗА-1 на вул. Валадарскага ў Менску.

«Гэтае зняволенне вельмі сімвалічнае». Філосаф Уладзімір Мацкевіч – паўгода за кратамі

Як падтрымаць Уладзіміра Мацкевіча:

  • пісаць яму лісты падтрымання (адрас: СІЗА № 1, Валадарскага 2, 220030 Менск);
  • напісаць зварот у Генеральную пракуратуру і Цэнтральны апарат Следчага камітэту (шаблон тут, інструкцыя тут);
  • падпісаць петыцыю на Change.org;
  • прыцягваць увагу да галадоўкі, дэманстраваць усімі магчымымі шляхамі салідарнасць;
  • тыя, хто за мяжой, могуць звяртацца да ўладаў сваіх краінаў з просьбаю падтрымаць Мацкевіча.

ГГ, belsat.eu

Падпісвайся на telegram Белсату

Hавiны