Украіна спыняе транзіт мінеральных угнаенняў «Беларуськалію» і «Беларускай калійнай кампаніі» чыгункаю з 16 лютага.
Забарона на перавоз распаўсюджваецца на ўсіх атрымальнікаў у Славакіі, Венгрыі, Аўстрыі, Польшчы, Чэхіі, Румыніі, краінах СНД і Балтыі, паведамляе сайт Украінскай чыгункі.
Транзіт спыняецца на нявызначаны час – да адмены забароны.
У 2021 г. з Беларусі праз Украінскую чыгунку перавезлі 11,8 млн т грузаў для далейшага транзіту, піша радыё «Свабода» са спасылкай на АТ «Укразалізниця». З іх 693 тыс. т склалі калійныя ўгнаенні, у тым ліку 270 тыс. т з іх для ўкраінскіх прадпрыемстваў.
Паводле Украінскай чыгункі, транзітны аб’ём калійных угнаенняў у Турэччыну летась склаў 220 тыс. т (62 %), у Вугоршчыну – 64 тыс. т (18 %), Польшчу – 45 тыс. т (13 %), Румынію – 8 тыс. т (2 %).
Пры гэтым, паводле АТ «Укразалізниця», праз марскія парты Украіны цягам 2021 г. перавезлі 281 тыс. беларускіх калійных угнаенняў.
З 1 лютага перавоз беларускіх калійных угнаенняў праз сваю тэрыторыю спыніла Літва.
ГГ, belsat.eu