У ІЧУ Жодзіна судзяць затрыманых на музычнай вечарыне пад Смалявічамі ў суботу ўвечары. Суддзі агучваюць максімальныя пакаранні паводле арт. 23.34 КаАП. Агулам на лаве падсудных 59 асобаў, паведамляе «Вясна».
Барысаўскія і лагойскія суддзі ў ІЧУ Жодзіна выносяць максімальныя прысуды затрыманым. Ужо вядома, што спявачка Валерыя Суравіцкая, Жанна Пракапенка і Дар’я Аляксеева атрымалі па 15 содняў арышту. Юлія Міхайлава і Юлія Анісеня выйшлі на волю са штрафам 30 базавых велічыняў (870 рублёў).
Сілавікі вечарам 13 лютага на базе адпачынку «Огонёк» у пасёлку Сокал Смалявіцкага раёна затрымалі 59 ўдзельнікаў і гледачоў канцэрту беларускіх гуртоў РСП («Разбітае сэрца пацана»), Panska Moc і Ok-Band.
СК belsat.eu