«Я люблю сабак, баскетбол і рыбалку». З гэтых словаў пачынаецца першы публічны выступ Ітана Зоненборна з гораду Брыстоль, які вырашыў паўдзельнічаць у выбарах на пасаду губернатара штату Вермонт (ЗША).
Паводле канстытуцыі штату, для кандыдатаў на гэтую пасаду няма ніякіх узроставых абмежаванняў. Па стане на ліпень на ягоным выбарчым рахунку было толькі $ 1700.
«Мае прапановы і мая праграма не прывязаныя да ўзросту», – заявіў Зоненборн падчас перадвыбарчых дэбатаў на мясцовым тэлеканале.
На сайце падлетка адзначаецца, што моладзь павінна быць больш заангажаванай у палітыку, бо «рашэнні, якія прымаюцца сёння, будуць з звязаныя з будучыняй».
15 жніўня сталі вядомыя вынікі праймерыз, на якіх падлетка абагнала Крысцін Холкўіст – жанчына-трансгендар. Менавіта яе Дэмакратычная партыя высунула для ўдзелу ў выбарах на пасаду губернатара штату. Супернікам Холкўіст будзе рэспубліканец Філ Скот.
Падчас прэзідэнцкіх выбараў у 2016 годзе большасць жыхароў штату прагаласавалі за дэмакратку Гілары Клінтан.
ЮВ, belsat.eu