Польская паліцыя знайшла на мяжы з Беларуссю цела сірыйца

Цела 24-гадовага сірыйца знайшоў экіпаж паліцэйскага верталёта, які патруляваў памежную зону, на тэрыторыі якой уведзены рэжым надзвычайнага становішча, паведамляе польская выданне.

Верталёт польскай службы паліцыі. Фота: Marek Podmokły / Agencja Gazeta

Пазней устанавілі, што з сярэдзіны верасня памерлы мужчына быў у Беларусі, пра што сведчаць знойдзеныя пры ім дакументы. Цяпер пракуратура займаецца расследаваннем прычыны смерці сірыйца.

За ўчора, 13 кастрычніка, былі зафіксаваныя 482 спробы незаконна перайсці польска-беларускую мяжу.

«Амаль 500 спробаў нелегальнага мінання мяжы – гэта нямала. Міграцыйны ціск застаецца высокім. Мы зможам казаць пра стабілізацыю [сітуацыі], калі ў нас не будзе такіх спробаў або будзе як у мінулым годзе ці два гады таму – некалькі або дзясятак», – паведаміла прэс-сакратар памежнай службы.

З пачатку кастрычніка Памежная ахова Польшчы зафіксавала больш за 6700 спробаў незаконнага пераходу ў Польшчу з тэрыторыі Беларусі, а з пачатку года – больш за 18 000. Большасць выпадкаў адбылася за апошнія чатыры месяцы. Затрыманыя мігранты ў асноўным прыязджаюць з Іраку, Сірыі, Емену і Ірану.

З пачатку верасня на польскай мяжы з Беларуссю дзеіць надзвычайнае становішча. Першапачаткова яно павінна было працягнуцца 30 дзён, аднак 1 кастрычніка працягнулі яшчэ на 60 дзён. Надзвычайнае становішча распаўсюджваецца на 183 гарады ваяводства. У выніку журналістам не дазваляюць уваходзіць у зону дзеяння надзвычайнага становішча і паведамляць пра тое, што адбываецца ў зоне.

У Польшчы затрымалі мужчыну, якога падазраюць у шпіянажы на карысць беларускага КДБ

АД, belsat.eu

Падпісвайся на telegram Белсату

Hавiны