У вёсцы Валасовічы Чачэрскага раёну 62-гадовы вясковец пасварыўся з жонкай і распачаў страляніну. МУС паведамляе, што акрамя гэтага раз’юшаны мужчына падпаліў свой дом.
Паводле МУС, 62-гадовы мясцовы жыхар вёсцы Валасовічы Чачэрскага раёну пасварыўся з жонкай. Мужчына ўдарыў жанчыну, а каля тая пачала ўцякаць, учыніў страляніну. Суседзі схавалі жанчыну і выклікалі міліцыянтаў.
Мужчына у гэты час падпаліў сваю хату і ўцёк. Знайшлі вяскоўца толькі праз некалькі гадзінаў. Затрымалі яго з удзелам байцоў амапу. Высветлілася, што вясковец быў п’яны. У яго была незарэгістраваная паляўнічая стрэльба, зараджаная двума патронамі.
Міліцыянты распачалі правяранне.
Алена Аляксандрава belsat.eu