Чэмпіён Беларусі па футболе салігорскі «Шахцёр» саступіў у матчы ў адказ балгарскаму «Лудагорцу» і вылецеў з Лігі чэмпіёнаў.
Салігорцы саступілі з лікам 0:1. З такім жа лікам тыдзень таму яны прагулялі і першы матч у Балгарыі.
Трэба адзначыць, што «хатні» матч «Шахцёр» праводзіў не ў Беларусі, як мусіла быць, а ў Сербіі. Гэта звязана з тым, што большасць еўрапейскіх авіякампаніяў не выконвае рэйсаў у Беларусь пасля інцыдэнту з самалётам «Ryanair».
АД, belsat.eu