У Менску расеец замест аплаты ўдарыў таксіста штопарам і разбіў шыбу машыны


У Менску грамадзянін Расеі замест аплаты праезду ўдарыў кіроўцу «Яндэкс. Таксі» па галаве штопарам і разбіў заднюю шыбу машыны, пасля чаго схаваўся ў пад’ездзе, паведамляе Дэпартамент аховы.

Паводле інфармацыі ведамства, інцыдэнт адбыўся днямі ў чатыры гадзіны раніцы.

Скрыншот: Департамент охраны/Youtube

Паранены кіроўца расказаў, што адвёз пасажыра па ўказаным адрасе. Аднак, пачуўшы выніковы кошт за паездку, мужчына выцяў таксоўцу па галаве, а пасля разбіў заднюю шыбу ў машыне.

Праз непрацяглы час нападнік быў затрыманы. 53-гадовы грамадзянін Расейскай Федэрацыі ад агляду адмовіўся. У сваё апраўданне спаслаўся на тое, што кіроўца хацеў абрабаваць яго.

Пацярпеламу таксоўцу аказалі медычную дапамогу.

Падазраваны затрыманы паводле артыкулу 108 КПК Беларусі («Затрыманне па непасрэдна ўзніклым падазрэнні ў здзяйсненні злачынства»). Яму можа пагражаць крымінальная адказнасць.

Аналітыка
«Абмежаваць абедзве праблемы». Навошта ў Беларусі ўсталявалі мінімальныя кошты на экспарт мяса і малака
2022.06.14 11:01

Алена Рувіна belsat.eu

Стужка навінаў