Камітэт дзяржаўнай бяспекі Беларусі зноў абнавіў «спіс тэрарыстаў», уключыўшы ў яго яшчэ дзевяць чалавек. Чатыры з іх абвінавачваюцца ў распальванні варожасці за каментары пасля перастрэлкі і гібелі супрацоўніка КДБ Дзмітрыя Федасюка і праграміста Андрэя Зельцара. Яны прызнаныя палітвязнямі
Сярод абвінавачанняў ёсць і ўдзел у масавых беспарадках і заклікі да санкцыяў.
У спіс «асобаў, якія маюць дачыненне да тэрарыстычнай дзейнасці», 10 чэрвеня былі ўключаныя:
Данута Пярэдня, 20-гадовая жыхарка Магілёўскай вобласці, абвінавачаная паводле артыкулу 361 Крымінальнага кодэксу Беларусі (заклікі да мераў абмежавальнага характару (санкцыяў), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь).
Андрэй Ражкоў, 50-гадовы жыхар Гарадзенскай вобласці, абвінавачаны паводле артыкулу 130 Крымінальнага кодэксу Беларусі (распальванне расавай, нацыянальнай, рэлігійнай або іншай сацыяльнай варожасці або варожасці).
Яўген Блохінскі, 24-гадовы жыхар Гарадзенскай вобласці, абвінавачаны паводле артыкулаў 130 і 293 Крымінальнага кодэксу Беларусі (распальванне расавай, нацыянальнай, рэлігійнай або іншай сацыяльнай варожасці або варожасці, і масавыя беспарадкі).
Аляксей Маеўскі, 40-гадовы жыхар Менскай вобласці, абвінавачаны паводле артыкулу 130 Крымінальнага кодэксу Беларусі.
Юрый Жукоўскі, 43-гадовы жыхар Гарадзенскай вобласці, абвінавачаны паводле артыкулаў 130 і 293 Крымінальнага кодэксу Беларусі.
Аляксандр Гаўрылік, 29-гадовы жыхар Гарадзенскай вобласці, абвінавачаны паводле артыкулу 130 Крымінальнага кодэксу Беларусі, затрыманы ў «справе Зельцара», прызнаны палітычным зняволеным.
Аляксандр Пятрашка, 34-гадовы жыхар Гарадзенскай вобласці, абвінавачаны паводле артыкулу 130 Крымінальнага кодэксу Беларусі, затрыманы ў «справе Зельцара», прызнаны палітычным зняволеным.
Аксана Каспяровіч, 46-гадовая жыхарка Гарадзенскай вобласці, абвінавачаная паводле артыкулу 130 Крымінальнага кодэксу Беларусі, затрыманая ў «справе Зельцара», прызнаная палітычнай зняволенай.
Андрэй Кандратовіч, 31-гадовы жыхар Гарадзенскай вобласці, абвінавачаны паводле артыкулу 130 Крымінальнага кодэксу Беларусі, затрыманы ў «справе Зельцара», прызнаны палітычным зняволеным.
Апошні раз «спіс тэрарыстаў» дапаўнялі 30 траўня.
Алена Рувіна belsat.eu
