Мінулы тыдзень праляцеў хутка. «Белсат» перадае, як гэта бачыць мастак Дэ Лёс.
Усё больш навінаў прыходзяць з калоніяў і СІЗА пра тое, што палітвязням прапануюць напісаць прашэнні пра памілаванне. Абяцаюць выхад на волю паводле амністыі з нагоды афіцыйнага дня Незалежнасці 3 ліпеня. Мы прасачылі, што на гэты конт кажуць былыя палітвязні.
Каб паскорыць увядзенне санкцыяў, а заадно і прымусіць афіцыйны Менск адкрыцця межаў для сваіх жа грамадзянаў, беларуская дыяспара правяла акцыі пратэсту каля мяжы. Да польскіх Баброўнікаў і літоўскага Мядзінінкай дадалася польскія Кузніца і Кукурыкі.
Безліч справаў за абразу прадстаўнікоў улады.
Еўрапарламент абсалютнай большасцю галасоў заклікаў да новых санкцыяў супраць рэжыму ў Беларусі.
Дэпутаты Еўрапарламенту рашуча асуджаюць «згон самалёта «Ryanair» як акт «дзяржаўнага тэрарызму» і заклікаюць да неадкладнага вызвалення Рамана Пратасевіча і Сафіі Сапегі, а таксама ўсіх іншых палітвязняў.
Рэзалюцыя заклікае Еўрапейскую Раду як мага хутчэй прыняць санкцыі ў дачыненні да беларускіх фізічных і юрыдычных асобаў, якія маюць дачыненне да вымушанай пасадкі самалёта і выкрадання пасажыраў.
Падчас працоўнай сустрэчы Аляксандра Лукашэнкі і Віктара Шэймана стала вядома, што апошні сыходзіць у адстаўку з пасады кіраўніка справамі прэзідэнта. Лукашэнка прыняў гэтую адстаўку.
«Ты шмат разоў пісаў рапарт аб сыходзе ў адстаўку. Я не згаджаўся з гэтым. Але я разумею, што некалі час прыходзіць, табе хапіла ў жыцці. Я сумленна ўдзячны табе за ўсё, што зроблена», – сказаў Лукашэнка на сустрэчы.
Віктар Шэйман – адна з найбольш набліжаных да Лукашэнкі асобаў. Раней ён займаў пасаду кіраўніком спраў прэзідэнта, дзяржсакратаром Савета бяспекі, генпракурорам, старшынём прэзідэнцкай адміністрацыі, памочнікам прэзідэнта па асаблівых даручэннях.
ІК, малюнкі Дэ Лёс belsat.eu
