На меркаванне пракуратуры права пісаць звароты з нагоды пэўнай крымінальнай справы маюць толькі асобы, якіх датычыцца гэтая справа. Да таго ж звароты ў электронным выглядзе не падлягаюць разгляду.
«У сувязі з паступленнем у пракуратуру гораду Менску шматлікіх электронных зваротаў аб пытанні распачынання крымінальнай справы па факце смерці Дзмітрыя Стахоўскага тлумачыцца, што ў адпаведнасці з артыкуламі 138, 139 Крымінальна-працэсуальнага кодэксу Рэспублікі Беларусь правам абскарджання дзеянняў і рашэнняў органу, які вядзе крымінальны працэс, валодаюць удзельнікі крымінальнага працэсу шляхам падачы скаргі ў вуснай або пісьмовай форме, а таксама іншыя фізічныя і юрыдычныя асобы, калі праводзяцца працэсуальныя дзеянні і рашэнні закранаюць іхныя інтарэсы», – заяўляюць ва ўстанове.
Генпракуратура падкрэслівае, што падача скаргаў у электроннай форме крымінальна-працэсуальным законам не прадугледжваецца, а звароты, пададзеныя асобамі, якія не маюць адпаведнага права, разгляду не падлягаюць.
МГМ, belsat.eu
