Прэс-сакратар Крамля Дзмітрый Пяскоў заявіў, што Расея лічыць Беларусь выдатным месцам для вядзення перамоваў з Украінай. Аднак гэта не значыць, што перамовы ў Беларусі адбудуцца.
«З нашага гледзішча, Беларусь была б, вядома, выдатным месцам для правядзення перамоваў. Але вы ведаеце, што для гэтага яшчэ трэба пункт гледзішча ўкраінскага боку», – цытуе Пяскова ТАСС.
Прэс-сакратар Крамля таксама паведаміў, што разумення пра новыя раўнды вочных перамоваў паміж Масквой і Кіевам пакуль няма.
Першыя дзве сустрэчы расейскай і ўкраінскай дэлегацыяў прайшлі на тэрыторыі Беларусі яшчэ ў канцы лютага – пачатку сакавіка. Але афіцыйны Кіеў з самога пачатку быў супраць перамоваў на беларускай тэрыторыі, бо Беларусь – суўдзельніца расейскай агрэсіі супраць Украіны. Таму наступны вочны раўнд перамоваў адбыўся 29 сакавіка ў Стамбуле.
РР belsat.eu
