Генеральная пракурорка Украіны Ірына Венедыктава анансавала абмен палоннымі паміж Украінай и Расеяй.
Абмен палоннымі можа адбыцца зусім неўзабаве, заявіла Ірына Венедыктава падчас тэлемарафону.
«Гэта гісторыя ваенная, я не магу каментаваць не сваю кампетэнцыю. У нас цяпер могуць скласціся пэўныя абмены. Гэта вельмі далікатная інфармацыя», – сказала Венедыктава.
Ніякіх падрабязнасцяў яна не раскрыла, каб не нанесці шкоды вайскоўцам.
Раней прэзідэнт Украіны Уладзімір Зяленскі заявіў аб вялікай колькасці ўзятых у палон расейскіх акупантаў. Паводле яго, для іх размяшчэння прыйшлося стварыць спецыяльную структуру – каардынацыйны штаб у пытаннях абыходжання з палоннымі, які ўзначаліла віцэ прэм’ер-міністр Ірына Верашчук.
АД belsat.eu