Украіна 19-ы дзень абараняе сваю тэрыторыю. ОНЛАЙН

Амаль тры тыдні цягнуцца ваенныя дзеянні Расеі супраць Украіны. Бамбаванне гарадоў і тысячы ахвяраў.

У Кіеве атакавалі шматпавярховік у раёне Абалоні, ёсць інфармацыя пра выбухі ў іншых частках гораду. Не шкадуюць дзяцей і цяжарных, бомбы скідваюць не толькі на жылыя дамы, але і на больніцы са школамі. Міжнародная супольнасць выступае супраць агрэсіі Расеі, але неба над Украінаю дасюль не закрытае.

Храналагічна
22:06

На сёння мы завяршаем тэкставы онлайн 19-га дня вайны на старонцы «Белсату». Дзякуй, што былі з намі, і беражыце сябе!

21:43

Міжнародны крымінальны суд у Гаазе вынесе свой прысуд паводле пазову Украіны да Расейскай Федэрацыі 16 сакавіка

Украіна абвінавачвае Расею ў генацыдзе.

21:01

У жывым эфіры расейскага Першага каналу з’явілася жанчына з антываенным плакатам

20:58

20:55

ЕЗ зацвердзіў чацвёрты пакет санкцыяў супраць Расеі

Ён накіраваны супраць фізічных і юрыдычных асобаў, якія маюць дачыненне да агрэсіі супраць Украіны, а таксама шэрагу сектараў расейскай эканомікі.

20:38

У Харкаве цягам апошніх дзён разбураныя каля 600 дамоў

Мэр Харкава Ігар Церахаў распавёў, што ў горадзе ў выніку баявых дзеянняў зруйнаваныя каля 600 дамоў.

Харкаў, 14 сакавіка 2022 г. Фота: Wolfgang Schwan / Anadolu Agency/ABACAPRESS.COM
Харкаў, 14 сакавіка 2022 г. Фота: Wolfgang Schwan / Anadolu Agency/ABACAPRESS.COM
Харкаў, 14 сакавіка 2022 г. Фота: Wolfgang Schwan / Anadolu Agency/ABACAPRESS.COM
Харкаў, 14 сакавіка 2022 г. Фота: Wolfgang Schwan / Anadolu Agency/ABACAPRESS.COM
20:32

Раніцаю ў спальным мікрараёне Абалонь у Кіеве артылерыйскі снарад трапіў у жылы дом

Цалкам разбураны жылы дом у Абалоні (раён сталіцы), у які трапіў снарад. Кіеў, Украіна. 14 сакавіка 2022 года. Фота: МП / Белсат
Цалкам разбураны жылы дом у Абалоні (раён сталіцы), у які трапіў снарад. Кіеў, Украіна. 14 сакавіка 2022 года. Фота: МП / Белсат
Цалкам разбураны жылы дом у Абалоні (раён сталіцы), у які трапіў снарад. Кіеў, Украіна. 14 сакавіка 2022 года. Фота: МП / Белсат
19:47

Кіраўніку ўкраінскага Мікалаева прапанавалі здаць горад расейскім войскам

Кіраўніку гораду Аляксандру Сянкевічу намякнулі на сітуацыю ў Херсоне, куды расейскія вайскоўцы абмежавана пускаюць гуманітарную дапамогу.

19:40

Брытанскі журналіст атрымаў аскепкавы пералом абедзвюх ног у выніку баявых дзеянняў расейскіх войскаў. На гэты момант журналіст у рэанімацыі.

19:37

«Як дэпутат Палаты прадстаўнікоў выступаю супраць вайны», – былы дыпламат Валер Варанецкі адказаў на зварот грамадзянаў.

18:52

18:52

У выніку авіяўдару, які сёння раніцай быў нанесены па тэлевежы ў Ровенскай вобласці, загінулі 9 людзей.

Яшчэ столькі ж атрымалі раненні.

Пра гэта паведаміў Віталь Коваль, які кіруе Ровенскай абласной дзяржаўнай адміністрацыяй.

18:07

Генеральны сакратар ААН назваў «магчымай» перспектыву ядравага канфлікту

Ён заявіў, што перспектыва ядравага канфлікту, раней неймаверная, цяпер вярнулася ў вобласць магчымага, і заклікаў захаваць бяспеку ядравых аб’ектаў.

Таксама ён напісаў у Twitter, што неабходна неадкладна спыніць баявыя дзеянні ва Украіне і пачаць сур’ёзныя перамовы на аснове прынцыпаў Статуту ААН і міжнароднага права.

17:59

Каля Львова адкрылі палявы шпіталь для перасяленцаў. У ім будуць працаваць амерыканскія медыкі.

17:38

Страчаныя транспартныя зносіны паміж Запарожжам і Энергадарам.

17:15

Галоўнае ўпраўленне разведкі Украіны: «Акупанты прыцэльна б’юць па сельскагаспадарчай тэхніцы і падрываюць харчовую бяспеку ва Украіне і свеце».

Сістэматычныя выпадкі знішчэння сельскагаспадарчай тэхнікі зафіксаваныя ў Браварскім раёне (Кіеўская вобласць), Мелітопальскім раёне (Запарожская вобласць), Прылуцкім, Нежынскім, Ноўгарад-Северскім раёнах (Чарнігаўская вобласць), а таксама ў шэрагу раёнаў Херсонскай і Харкаўскай вобласцяў.

Таксама паведамляецца, што сельскагаспадарчая тэхніка масава рэквізуецца расейскімі вайскоўцамі для правядзення інжынерных працаў, пабудовы ўмацаванняў і выкарыстання як цягачоў для бронетэхнікі. Да гэтых работаў прымусова далучаюць мясцовае насельніцтва ў акупаваных населеных пунктах.

17:11

Акцыі кітайскіх кампаніяў рэкордна абваліліся пасля навінаў аб просьбе Расеі аказаць ваенную дапамогу, паведамляе Bloomberg.

14 сакавіка стаў найгоршым днём для акцый кітайскіх кампаніяў, якія гандлююцца на біржы ў Гон-Конгу, з лістапада 2008 года. Інвестары апасаюцца заходніх санкцыяў у дачыненні Кітаю, які збліжаецца з Расеяй.

16:41

Кампанія «Meta» забараніла карыстальнікам Facebook і Instagram публікаваць пажаданні смерці Пуціну і Лукашэнку.

Віцэ-прэзідэнт кампаніі Нік Клэг (Nick Clegg) напісаў супрацоўнікам, што ў правілах мадэрацыі кантэнту трэба дакладна пазначаць, што заклікі да смерці кіраўнікоў дзяржаваў забароненыя. Раней «Meta» часова дазволіла допісы, якія заклікалі да смерці Пуціна і Лукашэнкі, з-за чаго Facebook і Instagram былі заблакаваныя на тэрыторыі РФ.

16:13

На сёння перамовы паміж Расеяй і Украінай скончаныя. Яны працягнуцца заўтра.

16:06

Тэлеграм-канал «Енергоатом» паведамляе, што расейскія вайскоўцы ўтылізавалі частку боепрыпасаў на пляцоўцы каля першага энергаблоку Запарожскай АЭС.

15:49

У Віцебскай вобласці ГУБАЗ затрымаў мужчыну за запаўненне анкеты ў добраахвотніцкі батальён ва Украіне.

Цяпер яму выстаўленае абвінавачанне ў распальванні варожасці і ўдзеле ў баявых дзеяннях на тэрыторыі замежнай дзяржавы.

15:27

Цяпер адбываецца брыфінг расейскіх ваеннапалонных салдатаў.

15:18

Польшча і Літва заклікаюць «неадкладна» надаць Украіне статус кандыдата ў Еўразвяз – заява Люблінскага трохвугольніка.

15:00

Расейцы пачалі выпускаць людзей з Марыупалю, запушчаны «зялёны калідор».

Пра гэта паведаміў дарадца мэра Марыупалю Пятро Андрушчанка. Паводле яго, па «зялёным калідоры» з гораду змаглі выехаць не менш за 50 аўтамабіляў.

14:50

«Парытэтбанк» уводзіць ліміты на выдачу валюты наяўнымі.

Абмежаванне закране банкаўскія рахункі ў замежнай валюце, яны не будуць даступныя праз плацежныя карты.

14:32

У Беларусі заблакавалі сайты infobank.by і prokopovich.net.

Infobank.by да блакавання інфармаваў аб банках і фінансавай сітуацыі ў Беларусі, а prokopovich.net, які працаваў у 2011 годзе пасля дэвальвацыі ў Беларусі, зноў стаў актуальным, калі ў краіне пачаліся праблемы з валютай. Сайт дапамагаў абменьвацца кантактамі тым, хто хоча купіць або прадаць валюту па выгадным курсе.

14:13

Ілан Маск выклікаў Пуціна на бой адзін на адзін і прапанаваў стаўку: Украіна.

14:02

Нямецкая фармацэўтычная карпарацыя «Bayer» прыпыняе інвестыцыі ў Расею і Беларусь.

13:43

Ізраіль упершыню публічна абвясціў пра далучэнне да міжнародных санкцыяў супраць Расеі.

Пра гэта паведаміў на сваёй старонцы ў Twitter міністр замежных справаў Ізраілю Яір Ляпід.

13:26

Забіты цывільны перад домам, які пашкодзіла выбухам у выніку абстрэлу расейскімі ракетамі.

Кіеў, Украіна. 14 сакавіка 2022 года. Фота: МП / Белсат
13:18

Фізічным асобам часова забаранілі набываць валюту на Беларускай валютна-фондавай біржы. Пра гэта паведамляе «Onliner».

Фота: Белсат
12:56

Стала вядома, што галівудская акторка Рэбэл Ўілсан са сцэны прэміі BAFTA паказала сярэдні палец Уладзіміру Пуціну і падтрымала Украіну.

Такі ўчынак выклікаў шквал эмоцыяў у прыхільнікаў і гледачоў, якія працягваюць ёй дзякаваць у сацыяльных сетках.

12:44

Як паведамляе «Энергоатом», расейскія войскі разбурылі мост паміж Энэргадарам і Запарожжам. Эвакуацыя людзей і гуманітарныя канвоі немагчымыя.

Да ўсяго зноў была пашкоджаная лінія да Чарнобыльскай АЭС, якую ўчора адрамантавалі спецыялісты.

12:22

Расейскія салдаты масава адмаўляюцца ваяваць ва Украіне.

Гэта тыя, хто ўжо паспеў узяць удзел у баявых дзеяннях і вярнуцца ў месцы дыслакацыі.

Фотаздымкі рапартаў трапілі ў распараджэнне інфармацыйнага выдання «Guildhall».

12:00

Памежны камітэт Беларусі паведамляе, што 288 грамадзянаў Украіны прыбылі ў нашую краіну, у тым ліку транзітам праз Польшчу.

«З 6:00 12 сакавіка да 6:00 14 сакавіка 209 грамадзянаў Украіны былі дастаўленыя да беларускай мяжы з украінскай тэрыторыі, 79 – транзітам праз Польшчу.

Частка замежнікаў часова размяшчаецца ў гатэлях і санаторыях, іншыя грамадзяне выехалі да сваякоў, якія жывуць у нашай краіне».

11:39

Улады Чэхіі прыпыняюць выдачу ўсіх візаў (акрамя гуманітарных) грамадзянам Расеі.

11:26

Дзе цяпер ва Украіне ідуць баявыя дзеянні

Баявыя дзеянні ва Украіне на раніцу 14 сакавіка 2022 года. Графіка: Белсат
11:25

Па ўкраінскіх медыях разыходзіцца відэа з дрона, які запусцілі сёння над Марыупалем. Увесь горад – у агні.

11:16

Пачынаецца 4-ы раўнд перамоваў Украіны і Расеі.

10:57

Паведамляецца, што Міністэрства абароны Украіны пачало выкарыстоўваць сістэму распазнавання твараў амерыканскай кампаніі «Clearview AI», якая мае доступ да базы з 10 мільярдаў здымкаў, два з якіх – з сеткі «ВКонтакте».

Амерыканскі стартап такім чынам прапаноўвае вышукваць расейскіх нападнікаў, змагацца з дэзынфармацыяй ды ідэнтыфікаваць загінулых.

10:37

Колькасць ахвяраў сярод мірных жыхароў Марыупалю ў выніку расейскай агрэсіі перавысіла 2,5 тысячы чалавек.

Абстрэлены Марыупаль, Украіна. Фота: Polk_Azov / Twitter
10:24

Генеральны штаб ЗСУ 14 сакавіка распавёў пра баявыя страты праціўніка: больш за 12 тысячаў чалавек з асабовага складу, 1249 баявых машынаў, 389 танкаў, 90 верталётаў, 77 самалётаў.

10:08

Кіраўнік Мікалаеўскай вобласці Віталь Кім падараваў аўтамабіль патрульным паліцыянтам.

10:00

Акупанты працягваюць абстрэльваць жылыя кварталы ды аб’екты інфраструктуры ў Харкаўскай вобласці, ёсць пацярпелыя.

«Харкаўская вобласць перажыла няпростую ноч. Расейскія акупанты без перапынку наносяць удары па жылых кварталах, больніцах, інфраструктуры, прамысловасці. У выніку шматлікіх разбурэнняў ды пажараў ёсць загінулыя і параненыя», – адзначылі праваахоўнікі.

Ратавальнікі 42 разы за содні выязджалі на пажары і на разбор завалаў зруйнаваных будынкаў.

09:45

Ірына Вэрэшчук распавяла пра запланаваныя на сёння гуманітарныя маршруты.

09:38

Міністэрства замежных справаў Кітаю запатрабавала ад Злучаных Штатаў Амерыкі поўнага высвятлення сваёй вайскова-біялагічнай дзейнасці ва Украіне.

09:13

Пасля варожага абстрэлу ў Кіеве гарыць завод «Антонаў».

08:56

Instagram афіцыйна занеслі ў спіс заблакаваных сайтаў у Расеі.

Фота: ixbt.com
08:39

У выніку начнога бамбавання Ахтыркі ў Сумскай вобласці загінулі як мінімум трое мірных жыхароў, паведамляе мэр Паўло Кузьменка.

08:27

Памерла жанчына з марыупальскага радзільнага дому, фота якой абляцела ўвесь свет.

Не выжыла ні жанчына, параненая ў часе расейскага абстрэлу дзіцячай лякарні, ні ненароджанае дзіця.

Украінскія ратавальнікі і валанцёры вывозяць параненую цяжарную жанчыну. Марыупаль, Украіна. 9 сакавіка 2022 года.

Фота: АП / Яўген Малалетка
Падпісвайся на telegram Белсату

Hавiны