Дарадца Офіса Прэзідэнта Украіны Міхайло Подоляк паведаміў, што ў перамовах з Расеяй узялі тэхнічную паўзу да заўтра, 15 сакавіка.
«У перагаворах узята тэхнічная паўза да заўтра. Для дадатковай працы ў працоўных падгрупах і для ўдакладнення асобных азначэнняў. Перамовы працягваюцца», – напісаў Подоляк.
Раніцай 14 сакавіка пачаўся 4 раўнд перамоваў паміж украінскай і расейскай дэлегацыяй. Гэтым разам было вырашана праводзіць перамовы ў онлайн-фармаце.
«Камунікацыя цяжка, але ідзе. Прычына рознагалоссяў у тым, што ў нас вельмі розныя палітычныя сістэмы. Украіна – гэта свабодны дыялог у грамадстве і абавязковы кансэнсус. Расея – гэта ўльтыматыўнае прыгнечанне ўласнага грамадства», – напісаў у сваім Twitter дарадца кіраўніка Офісу прэзідэнта Украіны Міхайло Подоляк.
Першы раўнд перамоў паміж Украінай і Расеяй адбыўся 28 лютага.
АД belsat.eu