Прэзідэнт Украіны Уладзімір Зяленскі запрасіў прэзідэнта ЗША Джо Байдена падчас тэлефоннай размовы наведаць Украіну ў найбліжэйшыя дні, паведаміла прэс-служба прэзідэнта Украіны.
Уладзімір Зяленскі падкрэсліў, што ўкраінскі бок разумее ўсе рызыкі і гатовы да любога развіцця сітуацыі:
«Перакананы, што ваш прыезд у Кіеў у найбліжэйшыя дні, вырашальныя для стабілізацыі сітуацыі, будзе магутным сігналам і будзе спрыяць дээскалацыі».
Таксама Зяленскі сказаў, што пакуль Украіне не з’яўляецца членам НАТО, таму «толькі моцнае ўкраінскае войска зʼяўляецца закладам бяспекі дзяржавы».
Тэлефонная гутарка Байдена і Зяленскага прайшла ў нядзелю ўвечары і доўжылася каля гадзіны. Паведамляецца, што лідары абмеркавалі сітуацыю вакол Украіны – абмяняліся наяўнай інфармацыяй, яе ацэнкамі і абмеркавалі шляхі дээскалацыі, а таксама санкцыі ў выпадку эскалацыі агрэсіі Расеяй.
АД, belsat.eu