Марыя Калеснікава выказала сваё меркаванне ў справе так званага рэферэндуму, пра які абвесцілі ўлады. Палітзняволеная распавяла, якім чынам яна б прыняла ўдзеле ў гэтым «рэферэндуме», піша Telegram-канал Віктара Бабарыкі.
Марыя Калеснікава, якую асудзілі на 11 гадоў зняволення, выказала сваё меркаванне аб удзеле ў «рэферэндуме».
«Калі б мяне не пазбавілі гэтага права, я б абавязкова пайшла 27 лютага і выказала сваю грамадзянскую пазіцыю. Выраз свайго меркавання: (згоды/нязгоды) – актыўны ўдзел у сваім уласным жыцці.
Магчымасць убачыць аднадумцаў і проста добрых і добрых людзей побач без страху быць за гэта пасаджаным – гэта так важна. А яшчэ важна памятаць аб асабістай бяспецы ў любой сітуацыі, берагчы сябе і адзін аднаго.
Важна бачыць як нас шмат, вочы і ўсмешкі адно аднаго. Нават тут ёсць выдатная магчымасць – проста адной усмешкай рабіць адзін аднаго шчаслівымі».
Палітзняволеную Марыю Калеснікаву абвінавацілі паводле трох артыкулаў: «Змова з мэтаю захопу ўлады», «Стварэнне экстрэмісцкага фармавання» і «Публічныя заклікі да дзеянняў, што пагражаюць нацыянальнай бяспецы». Менскі абласны суд прызнаў яе вінаватай і прысудзіў Марыі Калеснікавай 11 гадоў пазбаўлення волі.
Пісаць ёй можна на адрас: ПК № 4, вул. Антошкіна, 3, 246035, г. Гомель.
ВЛ belsat.eu