Галоўнае за дзень: Мацкевіч 10 дзён без ежы, Гуркоў заявіў пра гатовасць абараняць Украіну

«Белсат» падводзіць вынікі панядзелка, 14 лютага.

Уладзімір Мацкевіч патрабуе змены меры стрымання, спынення «імітацыі следчага працэсу» і перадачы справы ў суд. Наш калега заявіў, што калі патрабаванні не будуць задаволеныя праз 10 дзён галадавання, ён гатовы перайсці да сухой галадоўкі – адмовіцца не толькі ад ежы, але і ад вады. 14 лютага гэты тэрмін скончыўся.

Глабальная кампанія «One Billion Rising» зладзіла акцыі падтрымання палітычнай зняволенай Вольгі Гарбуновай. У розных краінах свету прайшоў танцавальны флэш-моб.

Марыя Калеснікава выказала сваё меркаванне ў справе так званага рэферэндуму, пра які абвесцілі ўлады.

Беларуская фрыстайлістка Ганна Гуськова заваявала сярэбны медаль Алімпійскіх гульняў у Пекіне.

Сустрэча Уладзіміра Пуціна і Аляксандра Лукашэнкі адбудзецца да канца тыдня, заявіў прэс-сакратар расейскага кіраўніка Дзмітрый Пяскоў, паведамляе ТАСС. Па выніку перамоваў яны могуць зрабіць заяву.

Каля пункта пропуску «Бераставіца» у Гарадзенскай вобласці 14 лютага дзесяткі кіроўцаў фур выйшлі на дарогу і пачалі самастойна рэгуляваць рух вялікагрузаў, піша autogrodno.by

14 лютага ў забітага сілавікамі Аляксандра Віхора дзень народзінаў. 25-гадовы жыхар Гомля памёр 11 жніўня 2020 года. Вінаватых у яго смерці следчыя не знайшлі.

ВЛ belsat.eu