Паслявыбарчыя пратэсты ў Беларусі працягваюцца 429 дзён. «Белсат» узгадвае галоўныя падзеі гэтага дня.
Следчы камітэт Беларусі распачаў супраць Святланы Ціханоўскай і Паўла Латушкі яшчэ адну крымінальнау справу. На гэты раз па артыкуле 382 КК («Самавольнае прысваенне звання ці ўлады службовай асобы»).
Пакаранне па гэтым артыкуле прадугледжвае да двух гадоў пазбаўлення волі.
У тэлеграм-канале ГУБАЗіКа з’явілася інфармацыя, што падпісанты «экстрэмісцкіх» сацсетак і мэсэнджараў будуць вызнавацца «удзельнікамі экстрэмісцкіх фармаванняў» і прыцягвацца да крымінальнай адказнасці.
Суд Партызанскага раёну Менску разгледзеў скаргу на абранне меры стрымання для журналіста «Комсомольской правды в Беларуси» Генадзя Мажэйка. Рашэнне суда – пакінуць журналіста пад вартай, паведамляе ТАСС.
Скаргу разглядалі ў закрытым рэжыме. Абарона журналіста будзе абскарджваць рашэнне суда.
Міністэрства юстыцыі Беларусі распачало дысцыплінарнае расследаванне супраць адвакаткі Наталлі Мацкевіч. Яе адхілілі ад працы.
Пра гэта радыё «Свабода» паведаміў Аляксандр Дзядок, бацька палітвязня Мікалая Дзядка, якога абараняла Мацкевіч.
МГМ, belsat.eu