У ДПК заявілі, што беларускі памежнік не пераходзіў мяжу з Літвой. Але гэта недакладна
Дзяржпагранкамітэт абверг парушэння беларускім памежнікам дзяржаўнай мяжы Літвы. Пра гэта БелТА паведаміў афіцыйны прадстаўнік ведамства Антон Бычкоўскі.
«Зыходзячы з апублікаванага ў сетцы відэа не ясна, калі меў месца факт, на якім участку мяжы і што за чалавек перасоўваўся. Форму адзення вызначыць немагчыма, прыналежнасць памежных слупоў таксама цяжка ідэнтыфікаваць. У гэтай сувязі сцвярджаць, што на відэа беларускі памежнік і падзея адбывалася на беларуска-літоўскай мяжы, падстаў няма», – сказаў Бычкоўскі.
Ён таксаў дадаў, што «беларускія памежнікі па адным на мяжы не нясуць службу».
Нагадаем, што Памежная служба Літвы апублікавала відэа, на якім, як сцвярджаецца, у ноч з 12 на 13 жніўня пад літоўскім мястэчкам Дзевянішкі чалавек у вайсковай форме зайшоў за слуп, які пазначае мяжу Літвы і Беларусі – і адразу вярнуўся на беларускую тэрыторыю.
МГ belsat.eu
