Былы дэпутат Дзяржаўнай думы РФ Раман Худзякоў заявіў, што супраць актора Максіма Галкіна завялі крымінальную справу за дыскрэдытацыю арміі Расеі, піша выданне Kp.ru. Афіцыйнага пацверджання гэтай інфармацыі пакуль няма.
Экс-дэпутат Дзяржаўнай думы Расеі Раман Худзякоў заявіў, што крымінальную справу супраць Максіма Галкіна завялі з нагоды заявы растоўскага блогера. Апошні звярнуўся ў МУС і нібыта яшчэ 22 чэрвеня атрымаў адказ з боку сілавікоў. Але пры гэтым блогер не паказвае пацверджання сваёй заявы. Адзінае, што ён апублікаваў, – дакумент ад ГУ МУС па Растоўскай вобласці, у якім гаворыцца, што матэрыялы справы накіраваныя ў Следчы камітэт для правярання.
Раман Худзякоў удакладніў, што Цэнтр супрацьдзеяння экстрэмізму ГУ МУС Расеі па Растоўскай вобласці «ўгледзеў прыкметы складу злачынства паводле ч. 1 арт. 207.3 КК РФ», а менавіта Галкін дапусціў «ілжывыя ў дачыненні арміі Расейскай Федэрацыі» выказванні.
Алена Аляксандрава belsat.eu