У судзе Пружанскага раёну 13 чэрвеня пачаўся судовы працэс супраць Алены Гнаўк, 65-гадовую пенсіянерку так і не ўдалося зламаць: яна трымаецца ўпэўнена, жартуе і ўжо заявіла адвод пракурору, які ў выніку не быў прыняты. Суд праходзіць у адкрытым рэжыме.
Алене Пятроўне пагражае да шасці гадоў зняволення.
На жанчыну завялі ўжо чатыры крымінальныя справы. У дзвюх з іх яе асудзілі на 3 гады «хатняй хіміі». Але Алена Гнаўк працягнула актыўную дзейнасць, яна пісала зварот да ўладаў і здымала відэа. Напрыклад, жанчына распавяла пра курдскія сем’і і становішча мігрантаў у Беларусі.
Цяперашнія ўлады ацанілі гэта як распаўсюд «загадзя хлуслівых звестак аб прававым становішчы замежных грамадзянаў у Рэспубліцы Беларусь, што было скіравана на прычыненне істотнай шкоды дзяржаўным інтарэсам». На Гнаўк было заведзена дзве крымінальныя справы: дыскрэдытацыя Беларусі (арт. 369-1 КК) і паклёп на Лукашэнку (ч. 2 арт. 367 КК).
У няволі Алена Гнаўк знаходзіцца больш чым пяць месяцаў – з 11 студзеня.
АЛ belsat.eu