Загінулага падчас вайны ва Украіне беларуса Аляксея Скоблю (пазыўны Тур) Уладзімір Зяленскі ўганараваў званнем Героя Украіны, паведаміў Ян Мельнікаў, паплечнік Тура.
Аляксей загінуў месяц таму, 13 сакавіка, у абарончых баях за Кіеў, калі прыкрываў адыход сваіх байцоў.
Аляксей Скобля стаўся другім беларусам, якому прысвоілі званне Героя Украіны. Першы быў Міхаіл Жызнеўскі, якога забілі падчас пратэстаў на Майдане ў 2014 годзе.
Вядома яшчэ пра трох беларусаў, якія загінулі з пачатку вайны ва Украіне, беручы ўдзел у абарончых баях каля Кіева. Гэта Ілля Хрэнаў (Ліцвін), Зміцер Апанасовіч (Тэрор) і баец з пазыўным Ганс.
АД belsat.eu