Белстат: амаль палова беларусаў мае даход менш як 500 рублёў

На сайце Белстату з’явілася статыстыка сярэднедушавых даходаў беларусаў за 2020 год. 45,5% людзей што месяц маюць сумы, меншыя за 500 рублёў.

Гэты паказчык улічвае не толькі працоўна занятых беларусаў, а яшчэ і пенсіянераў з няпоўнагадовымі, таму не трэба блытаць яго з заробкамі.

Больш за ўсё людзей штомесяц маюць сумы ў дыяпазоне ад 400 да 449,9 рублёў (10,5%). Ледзь меншая колькасць (10,1%) можа пахваліцца даходамі ад 450 да 499,9 рублёў. Усяго 8,7% беларусаў маюць ад 1000 рублёў у месяц – з колькасці насельніцтва Беларусі на 1 студзеня 2020-га вынікае, што гэта каля 818 тысяч чалавек.

Прыкладна 4 мільёны 280 тысяч беларусаў штомесяц маюць менш за 500 рублёў.

ЯП belsat.eu

Падпісвайся на telegram Белсату

Hавiны