Паводле Міністэрства аховы здароўя, у Беларусі за содні зарэгістравалі 8 921 новы выпадак інфікавання COVID-19.
Калі арыентавацца на афіцыйную статыстыку, то гэта самы высокі паказнік за ўвесь час эпідэміі ў Беларусі. Прычым у лютым ковідны рэкорд абнаўляецца ў краіне рэгулярна, папярэдні быў зафіксаваны толькі ўчора – 8783 выпадкі COVID-19 за дзень.
Агулам, паводле ўладаў, з пачатку пандэміі ў Беларусі зарэгістраваныя 831 966 выпадкаў каронавірусу. З хворых ачунялі 817 900 пацыентаў.
За содні зафіксаваныя 16 смерцяў пацыентаў з каронавіруснай інфекцыяй.
Агулам з пачатку пандэміі ад COVID-19 памерлі 6253 асобы, сцвярджае Міністэрства аховы здароўя.
РР belsat.eu