У Менску пачалі забіваць палі пад новы мост на Нямізе

Спецыялісты ўжо прыступілі да будоўлі новага мосту на праспекце Пераможцаў над вуліцаю Нямігаю. Пра гэта паведаміў агенцтву «Минск-Новости» дырэктар «Гардарбуду» Сяргей Панёў.

«Цяпер забіваюцца палі пад новыя апоры», – сказаў ён.

Будаўніцтва новага мосту на Нямізе. Фота: minsknews.by

Паводле Панёва, праектаванне і будаўніцтва ідуць паралельна. Мостабудаўнікам даручана ўзвесці новы аб’ект за самыя кароткія тэрміны. Працы на пляцоўцы вядуцца няспынна.

«Робяць сяк-так». Чаму ў Беларусі зноў абваліўся мост – і чаго чакаць надалей

Нагадаем, што ў калядную ноч на 8 студзеня ў самым цэнтры Менску абрынулася пешаходная частка мосту цераз вуліцу Нямігу, які злучае адныя з галоўных транспартавых артэрыяў беларускай сталіцы – праспекты Незалежнасці і Пераможцаў.

У гэтым раёне заўжды шмат людзей і транспарту, але, на шчасце, мост абваліўся якраз тады, калі не было амаль нікога: ніхто не пацярпеў. Але цяпер усе плыні аўтамабіляў, аўтобусаў і тралейбусаў перанакіраваныя на іншыя вуліцы, што выклікае вялікія заторы на шляху менчукоў да працы і дамоў. Нават некаторыя пераходы метро былі закрытыя пасля абвалу.

Як выглядае Няміга без моста

МГ belsat.eu

Падпісвайся на telegram Белсату

Hавiны